Jaqında Beruniy rayonında «Abat awıl» hám «Abat máhálle» mámleketlik baǵdarlaması sheńberinde ishki xojalıq jollarındaǵı qurılıs-ońlaw hám abadanlastırıw jumısları alıp barılıp atırǵanı hám bul baǵdarda 2 kóshe jańadan asfaltlanǵanı (https://t.me/qaraqalpaq_avtojol/1663) haqqında xabar bergen edik. Beruniy rayonı jollardan paydalanıw unitar kárxanası tárepinen rayon aymaǵındaǵı ishki jollar mámleketlik baǵdarlamalar, sonday-aq, investicialıq joybarlar sheńberinde basqıshpa-basqısh ońlanıp atır.
Sonday-aq, Qaraqalpaqstan Respublikası aymaǵında sociallıq-ekonomikalıq turmıslıq mashqalaları awır bolǵan puqaralar jıyınlarında qurılıs-ońlaw hám abadanlastırıw jumısların alıp barıw maqsetinde mánzilli dizim qáliplestirilgen edi. Bul baǵdarlama boyınsha Beruniy rayonındaǵı Doslıq MPJ aymaǵındaǵı ishki xojalıq jolları da kirgizilgen bolıp, Baspasóz (Matbuot) kóshesi jańadan asfaltlandı.
