Respublikamız aymaǵında qarlı-qırawlı kúnler baslanıwı menen avtomobil jollarında avtomashina hám hár qıylı transport quralları menen háreket etiwde mashqalalar júzege keledi. Bunday waqıtlarda avtomobil jollarına qum-duz aralaspası sebilip, jollardı qardan tazalaw ilajları alıp barılǵannan soń transport quralların basqarıw usınıs etiledi.
Sonday-aq, avtomobil jollarında háreket etiwde aralıqtı saqlaw, transport quralın belgilengen tezlikten asırmaw hám áste háreket etiw, sonday-aq, jol háreketi qáwipsizligi qaǵıydalarına ámel etiw arqalı ózińiz hám háreket qatnasıwshıarınıń qáwipsizligin támiynlewińizdi sorap qalamız.