Республикалық әҳмийетке ийе 4 Р-176 “Нөкис қаласы-Шымбай-Тахтакөпир” автомобиль жолының 14,3 км.де (үлкен айланба жолында) миллий қара үйимиз шаӊарағы, қошқар мүйиз нағыс ҳәм палма тереги көриниси сәўлелендирилмекте.
“Қорақалпоқ йўлкўкалам” УК тәрепинен айланба жолы ландшафт дизайнын еледе көркейтиў мақсетинде 5 000 дана шығыс туясы егилген болып, усы автомобиль жолыныӊ 14-16 км аралығына 2300 дана қара ағаш нәллери отырғызылыўы да режелестирилген.
Быйыл бәҳәрги егис мәўсими ушын Нөкис қаласы аймағынан өтиўши халықаралық әҳмийетке ийе А-380 “Ғузар-Бухара-Нөкис-Бейнеў” автомобиль жолының 720-740 километрине 13 100 дана сексеўил, 763-765 километрине 500 дана қарағаш, 500 дана басқа түрдеги декоратив тереклер ҳәм путалар, 771-772 километрине 400 дана клён егилиўи белгиленген болып, режениӊ 90 процентке шамаласы толық орынланды.
