Dáslepki maǵlıwmatlarǵa bola, Nókis qalasında 2023 jıldıń 1 iyul jaǵdayına turaqlı xalıq sanı 336,4 mıń adamdı quradı hámde jıl basınan 1,8 mıń adamǵa yaki 100,5 procentke kóbeydi.
Sonday-aq, 2023 jıldıń 1 iyul jaǵdayına Nókis qalasında ulıwma xalıq sanınıń 50,6 procentin hayal-qızlar hám 49,4 procentin erkekler quraydı. Demek, qalamızda hayal-qızlar sanı er adamlar sanına salıstırǵanda kóplew ekenligin kóriwimizge boladı.
Tuwılıw dárejesi. 2023 jıldıń 1 iyul jaǵdayına Nókis qalasında tuwılǵan náresteler sanı 3264 adam bolıp, 2022 jıldıń usı dáwirine (3157 adam) salıstırǵanda 107 ge kóbeygen. Tuwılıw koefficienti 19,6 promilleni quradı hám 2022 jıldıń usı dáwirine (19,3 promille) salıstırǵanda 0,6 promillege kóbeydi.
Ólimshilik dárejesi. 2023 jıldıń yanvar-iyun jaǵdayına Nókis qalasında qaytıs bolganlar sanı 784 adamdı quradı hám 2022 jıldıń usı dáwirine (778 kishi) salıstırǵanda 6 ǵa ólimler sanı kóbeydi. Usıǵan sáykes ólimshilik koefficienti 4,7 promilleni quradı (2022 jıl yanvar-iyunda 4,7 promille).
Tabiyǵıy ósim. Joqarıdaǵı maǵlıwmatlarǵa tiykar 2023 jıldıń yanvar-iyun jaǵdayına Nókis qalasında tabiyǵıy ósim 2480 adamdı quradı hám 2022 jıldıń usı dáwirine (2379 adam) salıstırǵanda 101 adamǵa kóbeygenin kóriwimizge boladı.
Neke hám ajırasıwlar. 2023 jıldıń yanvar-iyun aylarında PXAJ organlarında 996 dana nekeler hámde 194 dana ajırasıwlar dizimge alınǵan. Mıń adamǵa esaplaǵanda 6,0 birlik neke (2022 jıldıń tiyisli dáwirinde 7,3) hám 1,2 dana ajırasıwlar (2022 jıldıń tiyisli dáwirinde 1,4) tuwra keledi.
Migraciya. Dáslepki maǵlıwmatlarǵa bola, 2023 jıldıń yanvar-iyun aylarında qalaǵa kóship kelgenler sanı 1278 adamdı, usı dáwir ishinde qaladan kóship ketkenler sanı bolsa 1884 adamdı quradı. Migraciya qaldıǵı minus 606 adamǵa (2022 jıldıń usı dáwirinde plyus 655 adam) teń boldı.
Nókis qalalıq statistika bólimi.