Nókis qalası aymaģınan ótiwshi 4R-176A “Nòkis temir jol vakzalına” avtomobil jolınıń 3-4 km aralıģında puqaralarģa qolaylıq jaratıw maqsetinde “Piyadalar jolı” qurıw jumısları alıp barılmaqta. Búgingi kúnde qurılıs jumısları jol ornın greyder járdeminde tegislew, mayda tas aralaspasın jayıw jumısları ámelge asırılmaqta. Qurılıs jumısları Qıpshaq Jollardan turaqlı paydalanıw mámleketlik shólkemi tárepinen alıp barılmaqta.