Prezidentimizdiń 404-sanlı qararı tiykarında Nòkis qalası aymaģınan ótiwshi 4R-176A “Nókis temir jol vakzalına” avtomobil jolınıń 0-10 km aralıģında joldı rekonstruksiyalaw jumısları alıp barılmaqta. Házirgi waqıtta jolģa asfalt jatqızıw jumısları menen bir qatarda puqaralarģa qolaylıqlar jaratıw maqsetinde piyadalar jolı qurılmaqta. Búgingi kúnde usı joldıń 3-4 km aralıģında greydr járdeminde mayda tas aralaspasın jatqızıw, tegislew hám sementobeton quyıw jumısları ámelge asırılmaqta. Rekonstruksiyalaw jumıslarına jámi 10 texnika 15 jumısshı-xızmetker tartılģan bolıp, eki smenada jumıslar shólkemlestirilgen.