2024-jıl 1-máwsiminde «Baslamalı byudjet» joybarı sheńberinde Qońırat rayonınıń “Kókdárya”awıl puqaralar jıyının rayon orayı menen baylanıstırıwshı joldıń ońlaw talap ahwalǵa kelip qalǵanı boyınsha usınıs joqarı dawıs jıynap, bul joybar jeńimpaz bolǵan edi.
Házirgi kúnde bul joldıń 1 km 250 metr aralıǵına asfalt jatqızıw jumısları Taxiatas jollardan turaqlı paydalanıw juwapkershiligi sheklengen jámiyeti Qońırat rayonı filialı jumısshıları tárepinen qızǵın alıp barılmaqta. Qurılıs jumıslarına jámi 10 arnawlı texnikalar, 15 jumısshılar tartılģan. Qurılısshılar jol qurılısın qısqa múddette sapalı pitkerip, elimiz ǵárezsizliginiń 33 jıllıǵına awıl xalqına bayram sawǵası retinde paydalanıwǵa tapsırıwdı názerde tutqan.