Қорақалпоғистон Республикаси Қораўзак ва Беруний туманлари ҳудудидан ўтувчи А-380 “Ғузор-Бухоро-Нукус-Бейнеу” автомобиль йўлининг 673-698 км (25 км) қисмини Осиё тараққиёти банки иштирокида цемент-бетон қопламаси билан реконструкция қилиш лойиҳаси бошланади.
Реконструкция ишларини “Dorkomplekstsnab Plus” МЧЖ (Ўзбекистон) ва “New Tech Samarqand” (Ўзбекистон) қўшма корхоналари халқаро тендер савдоларида ғолиб деб топилиб, жорий йилнинг 22 август куни пудрат шартномалари имзоланди.
Лойиҳанинг умумий қиймати 60,9 млн. долларни ташкил қилади.
Шунингдек, лойиҳа консультантлари: “Yooshin Engineering Corporation”, “ISAN Corporation” (Жанубий Корея) қўшма корхонаси, субконсультантлар “Intelligent Solution LLC” ва “GEO Engineering LLC” (Грузия) компаниялари билан шартномалар имзоланган.