Sociallıq tarmaqlarda (https://t.me/Hoja_uz/13371) tarqalǵan múrajátqa Qaraqalpaqstan Respublikası Avtomobil jolları bas basqarması rásmiy múnásibet bildiredi.
Qaraqalpaqstan Respublikası Avtomobil jolları bas basqarması joqarıdaǵı múráját boyınsha uyreniw jumısların alıp bardı. Bul jol Bozataw rayonı Kóksheyil APJ aymaǵına alıp barıwshı 4K52 “4R-178 avtomobil jolınan (32 km) – Qazanketken awılı- Kóksheyil DFX” jolı bolıp, avtomobil jolınıń ulıwma uzınlıǵı 35 km di quraydı. Ózbekistan Respublikası Prezidentiniń 2023-jıl 10- oktyabrde qabıl etilgen «Jol xojalıǵı tarawın jánede rawajlandırıw is-ilajları haqqında»ǵı qararınıń 11-qosımshasına tiykar “Qaraqalpaqstan Respublikası hám Xorezm wálayatında ulıwma paydalanıwdaǵı avtomobil jolların joybarlaw-qurıw-ekspluatatsiya qılıw usılın engizgen halda ámel asırılatuǵın “PILOT JOYBARLAR” ına kirgizilgen bolıp, avtomobil jolınıń 20-35 km bóleginde kapital ońlaw jumısları alıp barılıwı belgilengen. Házirgi kúnde buyırtpashı shólkem tárepinen belgilengen tártipte isler ámelge asırılıp atırǵanlıǵın málim etemiz.