Shımbay rayonı aymaǵınan ótiwshi jergilikli áhemiyetke iye 4N122 “4R175 avtomobil jolınan (65 km)- Shımbay temir jol vokzalına” avtomobil jolınıń 2-3 km aralıǵında asfalt jatqızıw jumısları ámelge asırılmaqta. Avtomobil jolında kóplep nuqsanlar payda bolıp, avtomobil basqarıwshılarına hám puqaralarımızǵa qolaysızlıqlar jaratıp kelmekte edi. Búgini kúnde usı mashqalalar aldı alınıp, avtomobil jolında ońlaw jumısları ámelge asırılmaqta. Bul jumıslar Shımbay RJPMSh tárepinen alıp barılıp, 6 arnawlı texnika, 10 jumısshı tartılǵan.