Ózbekstan Respublikası Prezidentiniń 2023-jıl 25-dekabrdegi «2024-2026-jıllarda sociallıq hám óndirislik infrastrukturanı rawajlandırıw ilajları haqqında»ǵı PQ-404-sanlı qararı talapların támiyinlew boyınsha respublikamızda bir qatar ilajlar alıp barılmaqta.
Tiykarınan, Nókis qalası hám Xojeli rayonların tutastırıwshı, mámleketlik áhmiyetke iye 4R174 «Nókis –Xojeli avtomobil jolınıń 7-8 km aralıǵında asfalt-beton jatqızıw, 4-5 km aralıǵında jol qaplamasın freza járdeminde qırıp alıp, ornına jańadan asfalt jatqızıw úshin tayyarlaw jumısları ámelge asırılmaqta. Asfalt jatqızıw isleri Qıpshaq Jollardan turaqlı paydalanıw mámleketlik unitar kárxanası tárepinen alıp barılıp, rekonstrukciya jumıslarında jámi 15 arnawlı texnika hám 20 jumısshı qánigeler qatnaspaqta.