Xojeli rayonı aymaģındaģı Qumbız MPJ hám Qulap APJ aymaǵında jámi 1 km uzınlıqta piyadalar jolı qurılmaqta. Bul aymaqlar 4R171D “Xojeli qalasına kiriw” avtomobil jolınıń 6-7 km aralıǵı bolıp, bul aymaqta mektep, baqsha hám sawda dúkanları jaylasqan bolıp, piyadalar kóp háreketlenetuǵın orın esaplanadı. Háreket qáwipsizligin támiynlew hám puqaralarǵa qolaylıqlar jaratıw maqsetinde piyadalar jolı qurılmaqta. Búgingi kúnde mayda tas aralaspasın jatqızıw, tegislew jumısları ámelge asırılmaqta. Bul jumıslar Xojeli rayonı Jollardan paydalanıw mámleketlik shólkemi tárepinen alıp barılmaqta.