Sociallıq tarmaqlarda (https://t.me/Kar24Uz/40490) tarqalǵan múrajátqa Qaraqalpaqstan Respublikası Avtomobil jolları bas basqarması rásmiy múnásibet bildiredi.
Qaraqalpaqstan Respublikası Avtomobil jolları bas basqarması joqarıdaǵı múráját boyınsha uyreniw jumısların alıp bardı. Bul avtomobil jolı jergilikli áhemiyetke iye 4N109 “Moynaq-Úshsay” avtomobil jolı bolıp, joldıń ulıwma uzınlıǵı 15 km di quraydı.
Ózbekstan Respublikası Prezidentiniń 2023-jıl 10-oktyabr kúngi “Jol xojalıǵı salasın jáne de jetilistiriw is-ilajları haqqında”ǵı PQ-330-sanlı qararına hám Qaraqalpaqstan Respublikası Ministrler Keńesiniń 2023-jıl 28-oktyabr kúngi 373-13-0-Q/23-sanlı qararı menen Moynaq rayonı aymaǵındaǵı 4N-109 “Moynaq-Úsh-say” avtomobil jolınıń 0-15 km aralıǵın remontlaw, Aziya infrastruktura investiciyaları bankinen alınatuǵın jeńillikli kredit qarjları esabınan “proektlestiriw-qurıw-ekspluataciya qılıw” usılın engizgen halda 11-qosımshasına muwapıq ámelge asırılatuǵınlıǵın málim etemiz.
🏢Qaraqalpaqstan Respublikası Avtomobil jolları bas basqarması málimleme xızmeti
Kanalģa aģza bolıw: @qaraqalpaq_avtojol