Қарақалпақстан Республикасы пайтахты Нөкис қаласының турақлы халқының саны 2022- жыл 1- апрель жағдайына 330, 7 мың адамды қурап, 2022- жыл басынан 1, 7 мың адамға йәки 0, 5 % ке өскен. Бул ҳаққында Нөкис қаласы статистика бөлими хабар берди.
2022-жылдың январь-март айларында Нөкис қаласында 1, 8 мың бала туўылған болып, сәйкес түрде туўылыў коеффициенти 1000 халыққа салыстырғанда 21, 7 промиллени қурады (2021-жылдың сәйкес дәўиринде 15, 7 промилле болған).
Неке. ПХАЖ органларында 2022-жылдың январь- март айларында 630 неке дизимге алынды.
1000 халыққа салыстырғанда неке дүзиў коеффициенти 7, 7 промиллени қурап, 2021-жылдың сәйкес дәўирине салыстырғанда 2, 2 промиллеге кемейди (2021-жылдың сәйкес дәўиринде 9, 9 промилле болған).
ПХАЖ органларында 2022-жылдың январь- март айларында 132 некеден ажырасыўлар дизимге алынды 1000 халыққа салыстырғанда 1, 6 промиллени қурап, 2021-жылдың сәйкес дәўирине салыстырғанда 0, 9 промиллеге көбейди. 2021-жылдың сәйкес дәўиринде 0, 7 промилле болған.