Bul boyınsha prezident qararı qabıl etildi
“Jollar hám jol infrastrukturasın jaqsı jaǵdayda saqlanıwın támiyinlew hám de aymaqlardı abadanlastırıw boyınsha ámeldegi mexanizmlerdi jetilistiriw ilajları haqqında”ģı Prezident Qararı (PQ-241-san, 01. 07. 2024-jıl.) qabıllandı.
⚡️Qararģa muwapıq, ruxsatnama almastan jol obyektinde qurılıs hám ońlaw jumısların ámelge asırǵan yamasa jol obyektiniń aldınǵı jaǵdayın qayta tiklew boyınsha óz májbúriyatın ámelge asırmaw jaǵdayı boyınsha huqıqbuzarlıqlar anıqlanıwına aktiv járdem bergen shaxslarǵa óndirilgen járiymanıń 50 procenti muǵdarında sıylıq aqshası beriledi.
🗓 Aymaqlar kelbetin jaqsılaw maqsetinde eksperiment sıpatında 2024-jıl 1-sentyabrden, 2025-jıl 1- sentyabrge shekem orınlardaǵı hákimler belgilep beretuǵın arnawlı bir aymaqta tómendegilerdi názerde tutatuǵın ilajlar ámelge asıriladı :
➖puqaralar hám yuridikalıq shaxslardıń olarǵa tiyisli jay hám qurılısqa tutas aymaqlardı abadanlastırıw boyınsha juwapkerligi ĜXQ, social tarmaqlar arqalı hár bir máhállede máhelle baslıqları tárepinen túsintiriliwin shólkemlestiriw;
➖ko’p qabatlı úyler háwlisi hám átirapı, jol hám de kóshe boylarınıń abadanlastırılğan jağdaydağı kórinisin tastıyıqlaw ;
➖jol hám kóshe shetlerindegi bos jerlerdi kóklemzarlastırıw boyınsha bağdarlama tastıyıqlaw.