Shomanay rayonı aymaģınan ótiwshi 4R-177 “4R-177 Qanlıkól temir jol bándirgisi- Shomanay- Qarabaylı temir jol bándirgisi” avtomobil jolınıń 47-50 km aralıģında jol jaģasın bekkemlew jumısları ámelge asırılmaqta. Bul jumısları Shomanay rayonı Jollardan paydalanıw mámleketlik shólkemi jumısshı-xızmetkerleri tárepinen alıp barılıp, bul jumıslarģa jámi 3 arnawlı texnika, 10 jumısshı-xızmetker tartılģan. Maģlumat ornında aytıp ótsek, jol shetlerin bekkemlew jumısları tiykarınan avtotransport qurallarınıń háreket qáwipsizligin támiyinlew, jol shetine avtotransport qurallarına toxtaw múmkinshiligin jaratıw maqsetinde qurıladı. Bul ôz gezeginde avtotransport quralları basqarıwshılarına qolaylıqlar jaratıp qalmastan, asfalt qaplamasınıń jemiriliwin aldın alıp, xalqımızģa joldıń uzaq múddet xızmet etiwin támiyinleydi.