«Baslamalı byudjet» joybarınıń 2024-jıl 1-máwsiminde Nókis qalasınıń Nawkanbaǵ hám Teleoray MPJ ların bir-biri menen baylanıstırıw úshin “Temir jol ótkeli” qurıw boyınsha usınıs joqarı dawıs jıynap, bul joybar jeńimpaz bolǵan edi. Bul joybarǵa “Baslamalı byudjet” dástúri tiykarında 1 mlrd 146 mln qarjı ajıratılǵan. Qurılıs jumısları “Batırbek Xabibullaev” JShJ tárepinen ámelge asırılıp, jumıslarǵa 10 arnawlı texnikalar hám 15 jumısshı tartılǵan.
Aldınları Nawkanbaǵ hám Teleoray MPJ larına barıw úshin 10 km joldı aylanıp ótiwi kerek edi. Bul bolsa puqaralarǵa bir qansha qolaysızlıqlar keltirip shıǵaraıp, jaqının alıs qılip keletuǵin edi. Búgin bul mashqalalar óz sheshimin tawıp, makan puqaraları turǵınları úshin jol uzınlıǵi 10 km ge qısqaradı, hámde háreket qáwipsizligi támiynlenedi.