Qaraqalpaqstan Respublikası Avtomobil jolları bas basqarması hámde onıń aymaqlıq shólkemleri tárepinen gúz-qıs máwsimine tayyarlıq jumısları jedellik penen alıp barıldı. Búgin Qaraqalpaqstan Respublikası Avtomobil jolları bas basqarmasında basqarma baslıģı U.Matnazarov basshılıģında “Gúz-qıs máwsimine tayyarlıq, mashina mexanizimlerin tayyar halatqa keltiriw jumısları” boyınsha jiynalıs bolıp ótti. Jiynalısta rayon shólkemi baslıqları hám texnik qadaģalaw bólimi qánigeleri qatnastı. Jiynalıs dawamında rayon shólkemleriniń gúz-qıs máwsimine tayyarlıģı boyınsha esabatları tıńlandı. Jiynalıs sońında Basqarma baslıģı tárepinen qar hám jawınlı kúnler aldınan mashina mexanizmlerin tayyar jaģdayģa keltirip, qum hám tuz rezervlerin jánede asırıw boyınsha tapsırmalar berildi.